حنين لي البلد

موضوع: حنين لي البلد الأحد ديسمبر 13, 2009 11:02 am

قول لي متين ديك السجم

خلا الصياح

وقت الصباح

والنسمة سايقاها الرياح

والفرحة ديك

في كل بيت لاقية ارتياح

حبوبة شديتي الملاح؟؟؟

يا بنية هووووووي سوقي المراح..

ادوني مفراكة وكنش..

وبصلة وكمان حبة تبش..

وشرو البرش..

ابويا ابريقك هداك..

جهزت ليك عود الاراك..

صليت وراك..

سبحت باللالوب معاك..

جر يا كلب..

امرق امش..

خلي اليخش..

هدااااااااك ملاك..

طاحونة عيش..

دقق بشيش..

يا حليلا طيبتك يا بلد..

بعمل جناح..

ادوني ريش..

بس كيف اعود ليكي واعيش..

ده شعر سوداني شعبي اصيل 100% يا احامدية100%
موضوعك100%

مشكور قصي دة من زوقك بس

الله لا يوفقك يا شيخه دمرتي حياتي وهديتي مستقبلي الله ينتقم منك