نكات اخوانا الرباطابين

زائر

رباطابي قاعد في مطعم كلما يجي زبون يطلب وجبة صاحب المطعم عندو حلة واحدة
يفتحها ويغرف منها وتكرر المشهد عدة مرات ونفس الحلة
عايز فول عايز كباب عايز عدس عايز كبدة و برضو نفس الحلة
اخونا الرباطابي مشى لصاحب المطعم و قال ليهو:
حلتك دي فيها ادراج ولا شنو

************

رباطابي عنده فرن (مخبز)
جاهو مسكين قال ليهو : لي يومين ما ضقت طعم الرغيف
الرباطابي قال ليهو: ياهو طعمو زاتو ما إتغير

************
رباطابي راكب القطر وقاعد جنبو واحد شايقي
كل ما تجي محطة يقيف ويقول دي ما ابوحمد ؟
قاصد محطة الرباطابي وعمك ما شغال بيهو
كرر الحكاية اكتر من مرة وبرضو عمك ما هبب ليهو
واخيرا جات محطة الرباطابي ولملم حاجاتو واستعد للنزول
فقال ليهو الشايقي : دي ابوحمد ؟
الرباطابي قال : لا دي ابوظبي انزل اشتغل

************

رباطابي ولدو أتفلق في راسه وكان الوقت ليل ، ودوهو المستشفى
الدكتور عاين ليه كده وقال ليه: كان تجي بدري شوية ياحاج
الرباطابي قال ليه : بدري متين !!
قبل ما يتفلق مثلاً

************

رباطابيه بتبيع زلابية وطعمية للركاب في محطة ابوحمد
بعدين الايام ديك شغلوا القطر الاكسبريس و كان ما بيقيف في اي محطة
المهم القطر جاء ماشي فيها بووووو و ما باعت اي حاجة وقامت رجعت البيت
الراجل سألها : إن شاء الله بعتي كويس الليلة
قالت ليهو:
بعت شنو الشئ ما جا ماشي فيني زي ترجمة الفلم الأجنبي
................

هههههههههههههههههه نكاتك روعه يا مجدي وان شاء الله تكون من رواد المنتدى
ومنتظرين منك المزيد وما تنسى تورينا إبداعاتك وحبابك عشرة بينا .....

ينقل إلى قسم النكات والطرائف

» نكات 2010...
» مجموعن نكات مساطييييل
» نكات سودانية مية المية
» نكات سودانيه تفقع من الضحك